Esperanto en majorkaj romanoj
Nia literaturo riĉiĝis per du romanoj verkitaj de nia samcivitano
Albert Herranz. Incident a Malaco kaj 7 días de enero. En
ambaŭ, kvankam ili estas verkitaj katalune kaj hispane, nia lingvo esperanto
aperas kiel popola kaj uzata lingvo. Ni gratulas nian samideanon Albert,
uzante pioniran vorton: Supren!
Strato Esperanto en Palma
Kiam vi vizitos nian insulon ne forgesu promeni tra la
strato Esperanto.
Ĝi situas en Son Ferriol, kiu estas popolkvartalo oriente
de la urbo.
Pastro Bartolomeo Font, pioniro de nia movado en Majorko,
nomis stratojn kaj placojn de Son Ferriol dum la dudekaj jaroj de la nuna
jarcento. Inter aliaj li nomigis straton Esperanto kaj placon Zamenhof.
Bedaŭrinde la faŝista loka registaro anstataŭis meze
de la jaro 1938 placan nomon, kaj la nomo Zamenhof malaperis. Memorante
la kruela kaj sanga batalo okazinta en Teruel, kiu vere signifis pordon
per kiu la ribelintoj detruis la IIa Hispana Respubliko, faŝistoj nomis
Teruel tiun placon.
Taŭga nomo
Kelkfoje oni trovas surprizigajn kuriozaĵojn, kiel tiu
establaĵo en Palma. ĉu ekzistas pli taŭga nomo ol "de Haro" por hararanĝisto?
